آخ

اعطيني ما إشحد إلا حبك

اعطي قلبي ما يجوع الا لخبزك

اعطي عيوني ما يرتوو الا من حنانك

اعطي إيديي ما يشتاقو إلا لغمراتك

اعطي جسمي ما يلهب إلا لنارك

اعطي إجريي ما يركضو إلا ورا كلماتك

اعطي وجي إنو يلتقى بوجك

ردني ع هاك الجبل إلي ما فيو إلا صخور

ردني ع هاك اللحظات إلي بتوصل هالدني بي هاك الابدية

ردني ع دقات القلب إلي ماشية ع نغمات هاك الصوت

تعا و خدني لهاك المحل و هاك الجبل

و هاك النار و هاك الولع وهاك الصفا

إلي ضحكو ع هاك الاسد و الي وصلو ع هاك السفر

 

شو صعبي الي داق هاك الحب يعيش الحرمان

شو بوجع الضعف بعد القوة

الشوق بعد الحنان

القلة بعد الفيض

الجوع بعد الشبع

 

آخ منك يا زمن،آخ منك يلي غدرت

دمرت و حرقت و مرقت

آخ هالوجع شو كبير،آخ،آخ،آخ

اشرقي يا شمس من بعد كل هالعتمات

فيضي يا ينابيع بعد جفاف كل هالواحات

زهّر يا بستان و امحي يباس هاك الوردات

بددي يا قيامي بقبري هاك الظلمات

 

مهما تأخرت غلبتك يا خير جايي

مهما طالت عتمتك يا ليل،أول شعاع جايي

ثقتي فيك كبيري وكل رجايي وفرحي انت

وانت جايي

 

                  السا الزيلع سركيس