+ باسم الآب والإبن والروح القدس ألإله الواحد، آمين.
الصبح إلك يا الله،
يا فتّاح يا رزّاق يا مقسّم الأرزاق،
يا عليم يا جبّار خلّصنا من العار والمعيار، ومن ضيم الليل والنهار،
بتسبحك يا رب شفافي ولساني والأرض من قدّامي،
بتسبحك يا رب الماي بمجاريا والطيور بوكاريا،
بتسبحك يا رب الملايكة ع كراسيا والرهبان بقلاليا،
بتسبحك يا رب الشمس والقمر بمساريا،
بتسبحك يا رب الوحوش بالمغارة والقمح بالكوارة،
بتسبحك يا رب الحمّاية والنارة والصاج والكارة،
بسبحك يا رب الجار والجارة وكل أهل الحارة،
الصبح إلك صباح جديد نهار جديد وعز جديد،
خلّصنا من القطوعات والتجارب،
بخاف يا رب من القبر وعتمتو، من الدود ونهشتو، من الميزان وميلتو،
يا رب لا تموّتنا لا حريق ولا غريق ولا تشحشط ع الطريق،
موتة هنية وقربانة طرية بحضن إمنا مريم العدرا الطاهرة النقية
وترحم إمي وبيي وكل اللي تعبو عليي وجميع المسيحية. آمين.
صوت أبّا
لأنّ الروح الذي نلتموه لا يستعبدكم ويردّكم إلى الخوف، بل يجعلكم ابناء الله وبه نصرخ إلى الله: "أبّا أيها الآب" (رو 8 :15)